منتدى اهل ليبيا الحره

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

    ملحمه من القصائد الليبيه, قصيده عاطفيه من الترات الليبي

    شاطر

    ملحمه من القصائد الليبيه, قصيده عاطفيه من الترات الليبي

    مُساهمة من طرف ابن الصحراء في السبت أكتوبر 02, 2010 11:21 am




    ]كان الشاعر الشعبيالمعروف ( بوعجيلة عبد السلام القبائلي ) احد شعراء مدينة اجدابيا ماراًفي أحد الايام امام منزل فتاة في مقتبل العمر فداعبها ولكن الفتاة صدتالباب في وجهه فابتسم وبسرعة بديهة ورد على لسانه هذا البيت :



    لوكانك من جيلي..انّصبي على بابك بطوله ليلي .. شحات للغلا


    ومرت الأيام والتقى بزميله الشاعر ( عبد السلام بوجلاوي ) وحكى له ما حصل له وبسرعة بديهة رد عليه بوجلاوي قائلاً :



    لو كانك من ندّي = مانرد من ردت الباب انعدي
    انخبط برجلي كيف تبطل يدي = نين يشغلك مطراي وتحليلي
    كيف تفتحي عندي اسلوب تجدي =ضروري ان كانك مسلمة ترثيلي
    ونسيل ان سالتيني فيه انبدي = سريب سرد سهرايه سبب تسويلي
    نين للغلا يد ليمين اتمدي = وابها تعزقي احسنات في منديلي


    ومرت سنوات وتزوج ابن الشاعر بوعجيله عبد السلام ورزق بمولود وحضر بعضالشعراء والاحباب مهنئين له وسأله احدهم ( هل مازلت شحات للغلا يا بوعجيله) فرد عليه قائلاً :


    مازلت نا هو نا .. حتى ونا ضناي مخلفين ضنا .. شحات للغلا


    واليكم قصيدة صاحب هذه الملحمة الشاعر بوعجيله عبد السلام الذي يقول :


    مازلت نا هو نا= حتى ان كنت داير صاحبه وضنا = شحات للغلا
    مازلت ما غتنيت = حتى ان كاني عاقل وباني بيت
    تقولّي سعيد نقولك ياريت =عايش امعيشه ما عليك ابها
    قولو الناس على سماحة صيت = ونا اتقول طيب الصيت قطع الوا
    تلاشى دلالي لوّلي وانسيت=اعزاز دنوهم للعقل كان دوا
    مازلت نا هو نا
    مازلت من وجداني = نعشق ونا عارف احدود مكاني
    واخذ نصيبي م الغرام الفاني =امغير شيمتي في غيّتي الوفا
    ومازلت متمسك بقو ايماني=وعارف الدنيا موش دار بقا
    وحتى انكان هو الزمان موش زماني =امسايرينه وادعا ايحد ادعا
    مازلت نا هو نا
    رغم اتعابي = ورغم الزمان اللي مضى شبابي
    مازال لي مكان بين اصحابي= نرتاح كان ساقني الهْم اخطا
    ومازلت داير ليبيا محرابي = وندعي الها في كل وان صلا
    ومازال رايي في الشباب ايجابي = حتى انكان فيهم تختلف لاراء
    ومازال يلمع من بعيد ركابي =من يومن اركوب الخيل بامزابا
    ما يهمني كان الجواد كبابي = واجدين غير يلهدوالا بعصا
    مازلت نا هو نا
    ]سرتوى من ســــــــــــــرت






    رد: ملحمه من القصائد الليبيه, قصيده عاطفيه من الترات الليبي

    مُساهمة من طرف Ali Al-Rabti في السبت أكتوبر 02, 2010 11:28 am

    إبداااااااااااع الله يبارك فيك ...


    ______________________________________التوقيع_____________________



    ......... ......... ......... ......... .........
    مَنْ لَا يَقْبَلُنِي كُحْلِا فِيْ عَيْنَيْهِ. لَا أُقَبِّلُهُ تُرَابَا أَمْشِيَ عَلَيْهِ
    فَإِذَا كَانَ أَنْفِهِ فَوْقَ الْنُّجُوْمِ فَإِنَّ الْنُّجُوْمِ تَحْتَ قَدَمَيَّ
    ... ......... ......... ......... ......... .........

    رد: ملحمه من القصائد الليبيه, قصيده عاطفيه من الترات الليبي

    مُساهمة من طرف مواطن ليبي في الثلاثاء أكتوبر 12, 2010 4:26 pm

    مشكور على ابدعك المميز ننتضر جديدك

      الوقت/التاريخ الآن هو السبت ديسمبر 16, 2017 5:17 am