منتدى اهل ليبيا الحره

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

    أيام من كل شهر تمر بها كل أنتى في مرحله عمريه معينه

    شاطر

    GMT + 9 Hours أيام من كل شهر تمر بها كل أنتى في مرحله عمريه معينه

    مُساهمة من طرف بنت بوها في الإثنين نوفمبر 01, 2010 3:43 pm


    الدوره الشهريه:
    مرحله بحياة كل أنتى كلنا نمرو بيها.وكل وحده فينا عندها برنامجها الخاص
    للعينايه بنفسها في الأيامات هادي بس عندي سوأل! هل كل أنتى تعرف الأضرار والمشاكل يلي تصيرلها لو أهملت نفسها في الفتره هادي؟
    وقت الدورة الشهرية عند الكل .. تعب ,هم , نكد, ألم , وضيق ماله حد

    متعارف عند الكل..

    انه وقت الدورة أو قبلها أو أنثناءها أو بجميع الأوقات ..

    تكون اعصابها متوترة و متضايقه و تجيها حالة بكاء غير طبيعيه وتحس بضيقه وتكره كل شيء.. و نفسيتها تكون اخي ومزاجها زيرو

    >> انواع البكاء المفاجئ و ضيقة الخاطر بعدين تشرف الديدي هكي نقولولها عندنا في الحوش وصاحباتي كلنا مسمينها ديدي
    ونعرف وان سبب هدا كله الديدي السعيده ههههه
    الصراحه من يلي نشوف فيه الأغلب عايشين ولا فاهمين حاجه أهو أيامات يجوناكل شهر وخلاص بس غلط حبيباتي ياما من متزوجات مش مسترحيات في حياتهمالزوجيه بسبب اهمال الدوره وياما من بنات تزوجو وماجابوش صغار بسبب أهمالأيامات الدوره هادو الجمل الأخير حنتي تقوللنا فيهم و للأسف كلنا وأنيوحده منكم معادش نعدلو علي كلام ناس زمان وقداش من نصائح تقول فيهم حنتيوحنتك وجداتنا كلنا بس مانعدلوش عليهم وياخي مرات نضحكوونقولو لالاه مافيشمنها الدوه هادي ويقولو لا احني معادش نبو الحاجات الشعبيه هادي والدوهالفارغه احني ناس متعلمه وفي الأخير لا نسمعو النصائح ولا نمشو بي يليتعلمناه .
    اني اليوم بنكتبلكم خلاص بحتي وياما قريت علي الموضوع هدا مقلات وكتاباتوياما درت سيرش في النت علي نفس الموضوع ونصائح حنتي ربي يحفظها ليناوتجاربي أني وماما وخواتي وصاحباتي المهم بعد هدا كله والخلاصه طلعت بيبرنامج للعنياه بنفسي وغدائي ها الأيامات هادو من كل شهر وماشيه عليه وكلوحده تقوللنا شني برنامجها للعنايه بنفسها في ها الأيامات


    البرنامج
    أولا غدائنا::
    متلا دورتك 6 أيامات قسميهم معاي 3 مرحله أوله و3 مرحله تانيه
    أول 3 أيام: اشربي مشروبات دافيه أهمها ويلي مجربتها القرفه تهبل يابنات تنزل الدوره أكرمكم الله وتنضف الرحم ياسلام عليها
    النعناع حتي هوا تشربيه مغلي يهبل يسكن الألم ومررررريح هلبه
    الزنجبيل حتي هوا مفيد ومريح هلبه ويسهل نزول الدوره زيي القرفه عني اني نخلط فيهم مع بعض القرفه والزنجبيل ونغلي ونشرب
    فيه عشبه يقولولها الطرنجيه بنات خالتي يستعملو فيها ويشكرو فيها هلبه هلبه اني الحق عمري ما أستعملتها
    وفيه هلبه أعشاب الحق كل وحده وشني تفضل المهم نكترو من المشروبات الساخنه....
    3 أيامات الاخيره:
    خودي تمرات طلعي قلوبهم فصصيهم يعني وحطيهم في الطنجره صبي عليهم شوية زيتزيتون ورشي عليهم زنجبيل وفلفل كحله وحب رشاد وعصديهم وأفطري بيهم عليالريق التلاته الأيام الأخيره(ملاحظه:حب الرشاد هلبه يقولو مش كويس للبنتغير المتزوجه توا احني تستعمل فيه ماما بس في حوشنا اني واختي لا نديرونفس الطريقه بس من غير حب رشاد.المعلومه غير أكيده يابنات يلي تعرف حاجهتقوللنا احني سمعنا بيها وفيه ناس تقول صح وناس لا ).
    مع طاسة حليب دافيه فيها زنجبيل وفلفل كحله الحق بنتها يع بس كويسه .
    وهادو التمرات يلي بتديريهم تقدري تاخدي منهم مع العصر مع فنجان قهوتك المهم خودي منهم أكتر من مره في اليوم.
    المشروبات البارده والغازات والماء المسقعه نوووووو ممنوع
    الأكل اللزج زي الملوخيه والدلاع والشمام ابتعدي عليهم(اني الحاجات هادو مانحبهمش حتي في الأيامات العاديه)
    الحوااااامض الليمون والبرتقال حتي هما لالالالالالالا ابتعدي عليهم بتاتا الأيامات هادو

    العادات يلي لازم تغيريهم:
    _المشي حفيانه علي الرخاموالبورسلين والسيراميك لا المهم ردي بالك تمشي حفيانه البسي شخشير وشبشبكديما في رجلك(بالنسبه للمتزوجات وحتي البنات جيبي شخيشيرات حلوات وفيهمفكره وألولانهم حلوه باش ماتحسي ان أخي عليك قاعده بشخشيرك ويع ومش مرتبهولا نازكه)
    _وحتي ماتقعمزيش في الأرض ولا علي البساط طول لازم علي حاجه
    _ دفي نفسك كويس خصوصا نصك التحتي أحسن حاجه تديريها أكيد كلكم تعرفوها زيما تأخدي في أندر وير خاصه لي ( الدوره الشهريه) خودي شورتات قطن يكونستريتش بس مش هلبه ويكون لي تحت الركبه والبسيهم فوق الأندر وير هادوكاالأيامات
    _القربه أكيد كلكم تعرفوها خودي وحده من الصيدليه وأول يومين عبيها ماءساخه وحطيها علي مكان الوجع أسفل بطنك والله تررررريح هلبه وتخلي المنطقهدافيه واذا ماعندكش قربه شيشة ماء عاديه متلا متاع لتر ونص بلاستك عبيهاميه سخونه وحطيها علي مكان الوجع جربو النتيجه تهبل .
    الريااااااااضه: الرياضه العنيفه لا بس المشي يهبل صح أول يوم صعب وياكاديكون مستحيل لكن بعدين يبدا عاااادي ويعدل المزاج يلي يكون بدي زيرو فيالايامات هادو
    الأهمال في الأيامات هادو يسبب خراب الظهر علي قولت حنتي والهواء: شني هواالهواء مرات في هواء زي الغازات أكرمكم الله يطلع من الفجاينا(المهبل) هدايقولو يأتر علي حياتك الخاصه بعد الزواج ويسببلك مواقف محرجه.

    النظافه الشخصيه الأيامات هادو:
    أكيد كل وحده فينا عندها برنامج خاص لنظافتها الشخصيه بس في الأيامات هادوزيديه شويه كلكم عارفين القرف والهم يلي نمرو بيه والحمد الله .
    متلا: الأندر وير غيريهم مرتين تلاته زي الأيامات العاديه والفوط الصحيه ماتخليهمش أكتر من 4 ساعات
    الغسولات طبعا المنطقه حساسه ومنستعملوش أي غسول امشي لصيدليه واطلبي غسولخاص للمنطقه الحساسه اني شخصيا نستعمل في السيباميد وكان ماعنديش ناخد ملحأحرش ندوبه في ماء دافي ونستعمل بدله طبعا أيامات الدوره يوميا نستعملهمره كل صبح لأن في الأيامات العاديه مرتين في الأسبوع بس.
    طبعا احني الفتره هادي مافيش صلاه شوفوا أني شني ندير كل وقت صلاه نطرحشجادتي ونقعمز نسبح نستغفر نذكر الله والدعاء ندعي قد مانقدر تعرفوا لحاجههادي لقيتها تعدلي في مزاجي هلبه هلبه...
    يااااااريت كل وحده تقوللنا برنامجها اذا عندها برنامج خاص بالأيامات هادوونستفيدو من بعض وأسفه منكم كلكم في كلمات جريئه انكتبت والله نكتبومتحشمه لكن نبيكم تستفيدو وناخدو ونعطو في الموضوع واني نستفيد منكم ومنخبراتكم.








      الوقت/التاريخ الآن هو السبت ديسمبر 16, 2017 5:29 am