منتدى اهل ليبيا الحره

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

    انـهــاب فـيــك يـــادار الـغــلا لمـريـبـه ..

    شاطر

    من انـهــاب فـيــك يـــادار الـغــلا لمـريـبـه ..

    مُساهمة من طرف ملك البحار في الثلاثاء نوفمبر 02, 2010 1:01 am

    لشاعر....محمد الشيخي
    ...
    انـهــاب فـيــك يـــادار الـغــلا لمـريـبـه
    وانجيـك جبـر شايلنـي جـنـاح الغيـبـه
    انـهـاب فـيـك يــا دار الـغــلا القـديـمـه
    وانجيك لجل فى طوحت خيالي ديمـه
    وانـوح كـي انجـي لجبـاك نـوح ايتيمـه
    اللـي مالصغـا عاشـت حـيـاه عطيـبـه
    وانحوس فى خلاك الشين ومواهيمـه
    وانحنلك حنـيـن الطـفـل للترجـيـبـه
    وانشيـل النظـر شـورك اتبـان عتيـمـه
    ســواد لـيـل تركبـنـى مـخـاوف ريـبــه
    ومـنــك اتـعــاود يـــا الـــدار عـديـمــه
    العين من هطيل الدمع وتشخشيبه
    انـهـاب فـيـك يــا دار الـغــلا وانـتـاقـي
    وانجيك جبر تجبرنـى عليـك اشواقـى
    وانحـط غيـر مـا نلـقـى عـزيـز ايـلاقـى
    ويـفــرح ونـــا نـفــرح مــعــا تـرحـيـبـه
    اربـاك خـلـو ,, لا حــادر ولانــك راقــي
    كساد مـن صغـا وقتـك ومـن تقليـبـه
    انـهـاب فـيــك يـــا دار الـغــلا وانـكـابـر
    غريبـه الـلـي حـامـل بــلاك وصـابـر !!
    الهـا الوقـت ,, ويـن انجيـك جيـت عابـر
    نظـايـق اتـجـى بيـنـى وبيـنـك غـيـبـه
    واطـلالــك ايبانـلـلـي اتـقــول مـقـابــر
    الــدايـــم الله لا نـــــك ذرا لاهــيــبــه
    انـهـاب فـيـك يــا دار الـغــلا وانـرايــف
    وانجيـك غيـر مـا نـرجـع الا بحسـايـف
    عليـك وعللـي مـا اللهم شـى صايـف
    مـن يومـا مشـوا منـك اوجـوه حبيـبـه
    ابقيتـى خـلا خـالـي ,, ربيـعـك صـايـف
    علـيـك هـابـه ريـــح الـجـفـا الرهـيـبـه
    انـهــاب فـيــك يـــادار الـغــلا لمـريـبـه
    وانجيـك جبـر شايلنـى جـنـاح الغيـبـه


    من رد: انـهــاب فـيــك يـــادار الـغــلا لمـريـبـه ..

    مُساهمة من طرف سيف العروبة في الثلاثاء نوفمبر 02, 2010 8:36 pm

    روعة شعر اناقت كلمات شكرا لك

      الوقت/التاريخ الآن هو الإثنين نوفمبر 20, 2017 1:46 pm